Recientemente durante un anochi ameno na restaurant Ventanas del Mar den Tierra del Sol, Kiwanis Club of Palm Beach Aruba a tene instalacion di tres miembro nobo. Esnan cu a wordo instala como miembro nobo di e club ta:
Segundo ‘Boy’ Ecury
Errol Farro
Navin Gangaram Panday

For di man di president Patrick Melchiors nan a ricibi nan Kiwanis pin, plakaat, vest y algun otro regalo di instalacion. Desde e momento ey, nan ta miembronan oficial cu e deber di yuda comunidad pa medio di e projectonan di Kiwanis.

E anochi aki tambe a ser otorga e “Appreciation Award” na e miembronan Randolph Ruiz y Rossi Marchena, y Kiwanette Hilde Marchena, Mieke de Droog y Rosemarie de Vries. Nan tur ta haya reconocimento pa nan trabow incansabel durante e periodo di fundraising, na ambos e Kiwanis carnaval tent y e masquerade party.

Kiwanis Club of Palm Beach Aruba kier a felicita su miembrecia completo pa e anochi

placentero y un bez mas ta desea e miembronan nobo bon bini den e club.

KIWANIS

Kiwanis Club of Palm Beach Aruba ta forma parti di Kiwanis International, un organisacion mundial di voluntario dedica na cambia mundo, cuminsando cu un comunidad y un mucha. Nos ta un organisacion den crecimento, dedica na yuda muchanan di mundo henter hisando nan calidad di bida. Kiwanis Club of Palm Beach  Aruba ta haci diferente projectonan di servicio den nos comunidad na Aruba pa yuda e muchanan aki y otro persona den necesidad.