Kiwanis Club of Palm Beach ta celebra su di 25 aniversario
Recientemente den ballroom di Hyatt Hotel, Kiwanis Club of Palm Beach Aruba a celebra su di 25 aniversario (1984-2009) y alavez a instala su directiva nobo pa aņa 2009-2010. E directiva ta wordo encabesa pa Presidente Patrick Melchiors, Vice-Presidente Omar de Souza, Tesorero Gilmar Croes, Secretario Ted Johnson, President-Elect Evan Giel y Past President Rossi Marchena. Como Directors a wordo nombra Giovanni Bermudez, Kishor Karnani, Michael Bareņo. Bert de Vries, Rudy Perrotte, Juri Kooyman y Jurgen Benschop.
Presidente saliente Rossi Marchena a repasa e projectonan logra den anja 2008-2009 y tambe a rindi homenage na e historia di e club, su fundadornan y esnan cu a mantene bibo durante su temponan dificil. E “Legion of Honor Award” di Kiwanis International a wordo otorga na e miembronan cu cu a funda y pa 25 aņa a sa di contribui na e club: Eduardo Ellis, Eddy Ruiz, Harry Posner y Egbert Frigerio. Y na Humphry Hardeveld, kende pa tres biaha a fungi como presidente di e club, a ser entrega un reconocimiento special.
Tambe a ser otorga e “Kiwanian of the Year Award”, cual ta uno cu pa un tempo no tabata ser duna. Pero e biaha aki, pa su trabow incansabel pa cu e Childseat Project, esaki a ser otorga na Jurgen Benschop. Den su prome aņa como miembro, Sr. Benschop a sa di tuma e projecto aki over y revitalise completamente.
Riba e anochi special aki tambe a instala un miembro nobo di e club, cual ta Sr. Chito Thiel. Sr. Thiel a haya e pin di Kiwanis International cual e lo por bisti di awo en adelante y lo por yuda nos club den nos trabownan pa comunidad.
Despues di a wordo instala door di Lt. Governer Bob Spellen como Presidente, Patrick Melchiors a comparti cu tur presente su vision pa e club pa e aņa nobo. Cu e focus riba algun proyectonan grandi pero tambe pa retonan nobo pa e club mes, e la sa di captiva e publico su atencion. Tambe e la recorda tur presente cu e trabow di Kiwanis ta pa yuda nos muchanan, especialmente esnan den necesidad, y cu tur hende cu tin interes pa yuda mester por haci esaki. Cu proyectonan existente manera Childseat Project y algun proyecto nobo, Sr. Melchiors tin confiansa cu e periodo 2009-2010 lo ta uno grandi pa Kiwanis Club of Palm Beach Aruba.
Despues di algun palabra di e representatenan di e otro service clubs di Aruba, e parti oficial di e anochi a conclui y a sigui cu e parti bailable di e fiesta bow encargo di Tsunami.
Kiwanis Palm Beach kier agradece tur compania y personanan cual ta asisti nos cu nan generosidad durante ultimo aņa y lo purba pa mantene e relacion aki. Boso ta un gran partidi e exito di nos actividadnan di fundraising cu boso apoyo na nos proyectonan.